साहित्यमय बन्यो नवलपुरको प्रगतिनगर

देवचुली

गृहपृष्ठ
देवचुली

साहित्यमय बन्यो नवलपुरको प्रगतिनगर

एलिना केसी शनिबार, मंसिर ९, २०८०

नवलपुर

शनिबार नवलपुरको प्रगतिनगर साहित्यमय बनेको छ। यो अवसर जिल्लाको नारी साहित्य समाजले जुटाएको हो। समाजको आयोजनामा भएको पुस्तक विमोचन, श्रष्टा सम्मान एवं रचना वाचन कार्यक्रममा माहोल साहित्यमय बनेको हो ।

May be an image of 6 people, dais, temple and text

सो अवसरमा नारी साहित्य समाजकी अध्यक्ष कृष्णादेवी शर्मा श्रेष्ठको मुक्तक सङ्ग्रह " बन्द कोठाको आँखिझ्यालबाट" बिमोचन गरिएको छ । सङ्ग्रहलाई कार्यक्रमका प्रमुख अतिथी एवं साहित्यकार लकास पौडेल, साहित्यकार केशवराज आमोदी, श्यामप्रसाद न्यौपाने, दीपक सोती, उद्योगबहादुर श्रेष्ठ लगायतले बिमोचन गरेका थिए । सो पुस्तकबारे साहित्यकार श्यामप्रसाद न्यौपानेले टिप्पणी गरेका थिए ।

May be an image of 6 people, dais and text

पुस्तक विमोचन लगतै कार्यक्रममा नवलपुर र चितवनका गरि ६ जनालाई सम्मान समेत गरिएको थियो । सम्मानित हुने साहित्यिक श्रष्टाहरुमा नवलपुरका सरोज उजाड, आदर्श सुशील, प्रीतम भुजेल, अर्जुन अबिरल र भेषराज रिजाल तथा चितवनका अम्बिका पोखरेल ज्ञवाली रहेका थिए । श्रष्टाहरुलाई सम्मान पत्र, दोसल्ला, मायाको चिनो र नगद सहित सम्मान गरिएको थियो।

May be an image of 4 people, dais and text

सम्मानित श्रष्टाहरुका बारेमा साहित्यकार लेखराम सापकोटाले बोलेका थिए। सम्मान कार्यक्रम पछि श्रष्टाहरुले आ-आफ्ना रचना वाचन गरेका थिए । कार्यक्रममा साहित्यकार डा.धनपती कोइराला, तेजेन्द्र सापकोटा, करुण लम्साल, आइपी सापकोटा, शर्मिला सापकोटा, निमा पौडेल तिवारेव, एकनारायण चापागाईं, दीपक भट्टराई, कमला ढकाल, केशवराज घिमिरे लगायतले रचना वाचन गरे ।

May be an image of 3 people, people smiling, dais, hospital and text

कार्यक्रममा खिमानन्द भुसाल, दयाराज तिवारी लगायतले शुभकामना मन्तव्य राखेका थिए। साहित्यकार टिकादेवी पोखरेलले स्वागत मन्तब्य राखेको कार्यक्रमको सहजीकरण संस्थाकी सचिव सितादेवी पौडेलले गरिन् । कार्यक्रममा नवलपुर, चितवन र पश्चिम नवलपरासीका गरि करिव ५ दर्जन साहित्यकारको उपस्थिती रहेको थियो।

प्रकाशित मिति: शनिबार, मंसिर ९, २०८० १८:५५