मानव सेवा आश्रमको ‘मेची –महाकाली उद्धार यात्रा’ १२ औँ दिन नवलपुरमा

देवचुली

गृहपृष्ठ
देवचुली

मानव सेवा आश्रमको ‘मेची –महाकाली उद्धार यात्रा’ १२ औँ दिन नवलपुरमा नवलपुरबाट ९ जनाको उद्धार

एलिना केसी शुक्रबार, कात्तिक १०, २०८०

देवचुली,

‘यस बर्षको चाडपर्वमा कसैले बस्नु नपरोस सडकमा’ भन्ने उद्धेश्यका साथ राष्ट्रिय उद्धार यात्रा २०८० मा मेची महाकाली यात्रा निस्किएको मानव सेवा आश्रमको टोली बिहिबार नवलपुर जिल्ला आइपुगेको छ । मेची –महाकाली अभियानमा रहेको टोलीलाई नवलपुरको देवचुली नगरपालिका वडा नं १२ नाग पोखरी बाल उद्यान तथा मुक्ति आमा समूहले एक कार्यक्रमकाबिच स्वागत गरेको छ । आश्रमका अध्यक्ष रामजी अधिकारी र आनी छोइङ डोल्माको नेतृत्वमा गत असोज २६ गते प्रधानमन्त्री निवासबाट यात्रा शुरु भएको हो । उक्त यात्रा आगामी मंसिर ४ गते सकिने छ । May be an image of 4 people, slow loris and tree

सहयोगापेक्षी बेसहारा, अशक्त, असहाय, अनाथ, अभिभावकविहिन, मानसिक तथा शारिरक रुपमा कमजोर सडकआश्रित मानवहरुको मानवोचित व्यवस्थापन सहित, औषधोपचार, पालनपोषण र जीवन रक्षाका लागि मानव सेवा आश्रमको जन्म भएको हो । सडकमा भेटिएका अनाथ, अशक्त र वेसहाराहरुलाई उद्धार गरेर आश्रममा राख्ने गरिएको छ । May be an image of 3 people and temple

मरेपछिको स्वर्ग र नर्कको परिकल्पना गरेर बस्नुभन्दा आँफू बसेकै धर्तीलाई स्वर्ग बनाउनुपर्छ भन्ने अभियानमा अगाडि बढेको जानकारी गराउँदै मानव सेवा आश्रमका अध्यक्ष रामजी अधिकारीले कालीगढले बनाएका मुर्ती र ढुङ्गालाई पुजेर समय खेर फाल्न भन्दा घरमा भएका बुढा बा–आमाको सेवामा लाग्नुपर्ने बताउनुभएको थियो । उहाँले मानवता प्रर्बद्धनका लागि ‘यो बर्षको चाडपर्वमा कसैले बस्नु नपरोस सडकमा’ भन्ने राष्ट्रिय उद्धार अभियान तय गरिएको बताउनुभयो । साथै उहाँले देवचुली नगरपालिकाले गरेको आतिथ्यताको प्रशंसा गर्दै देवचुली नगरपालिका वडा नं १३ मा बन्ने भनिएको अस्पतालको यहि आर्थिक बर्षभित्र शिलान्यास गरि सेवा शुभारम्भ गर्ने समेत बताउनुभयो । May be an image of 10 people and tree

कार्यक्रममा आनी छोइङ डोल्माले अभियानमा हिँड्दै गर्दा सबैको माया र सद्भाव पाइएको देख्दा खुशी लागेको बताउनुभयो । उहाँले सडकमा रहेका सबै मानव देविदेवताको रुप भएकाले उनीहरुको उद्धारमा जोकोही पनि लाग्न सक्ने बताउनुभएको थियो । आँफूले सक्ने सहयोग गरे जीवन त्यसैमा सार्थकता रहने समेत उहाले बताउनुभयो । May be an image of 9 people and tree

उक्त कार्यक्रममा देवचुली नगरपालिकाका नगरप्रमुख हरिप्रसाद न्यौपानेले मानव सेवा आश्रमले गरेको अभियानको उच्च सम्मान गर्दै नगरपालिकाले आश्रमका निम्ति सक्दो सहयोग गर्ने बताउनुभयो । उहाँले देवचुलीमा बन्ने मानसिक अस्पतालका निम्ति समेत नगरपालिकाले आवश्यक सहयोग गर्ने प्रतिबद्धता गर्दै यो सेवालाई निरन्तरता दिन मानव सेवा आश्रमलाई आग्रह गर्नुभयो । May be an image of 6 people, temple and text

यात्राको क्रममा देवचुली आइपुगेका मानव सेवा आश्रमकाे टोलीलाई प्रगतिनगर खानेपानी तथा सरसफाई उपभोक्ता संस्थाको तर्फबाट अध्यक्ष खिमानन्द भुसालले साबुन, दन्तमञ्जन लगायतका सामाग्री सहयोग गर्नुभएको थियो । सोही क्रममा देवचुली नगरपालिका वडा नं १३ मा बन्ने भनिएको मानसिक अस्पतालको वडाध्यक्ष एकदेव पौडेल, जग्गा उपलब्ध गराउने स्थानीय, लगायत मानव सेवा आश्रमका टोलीले जग्गाको अवलोकन समेत गरेका थिए । May be an image of 8 people, tree and text

मेची –महाकाली यात्राको १२ औँ दिन नवलपुर आइपुगेको मानव सेवा आश्रमले नवलपुरको गैंडाकोट नगरपालिकामा १ जना पुरुष, देवचुली नगरपालिकाबाट २ महिला र मध्यविन्दु नगरपालिकाबाट ६ पुरुषको उद्धार गरेको छ । १२ औँ दिनमा आइपुग्दा विभिन्न जिल्ला पुगेको टोलीले १ सय १२ जनाको उद्धार गरेको छ । May be an image of 3 people, temple and text May be an image of 11 people, temple and text