देवचुली
कुमारवर्ती आधारभूत विधालय देवचुली १३ ले आज शुक्रबार एक कार्यक्रमको आयोजना गरि देवचुली नगरपालिकाका नयाँ प्रशासकीय अधिकृतलाई स्वागत तथा सम्मान गरेको छ।
बिधालयमा आयोजित विजयादशमीको शुभकामना आदानप्रदान कार्यक्रमको अवसरमा प्रशासकीय अधिकृत मुकुन्द शर्मालाई स्वागत तथा सम्मान गरेको हो। विधालयका व्यवस्थापन समितिका अध्यक्ष ठाकुर प्रसाद पौडेलको अध्यक्षता तथा देवचुलीका नव प्रशासकीय अधिकृत शर्माको प्रमुख आतित्थ्यतामा कार्यक्रम सम्पन्न भएको थियो।
कार्यक्रममा बोल्ने वक्ताहरुले आउँदै गरेको नेपालीहरुको महान पर्व बिजया दशमीको शुभकामना ब्यक्त गर्दै सबैलाई सुख स्वास्थ्य तथा दिर्घायुको कामना गरेका थिए।
आजको कार्यक्रममा विशिष्ट अतिथि देवचुली १३ का वडा अध्यक्ष एकदेव पौडेल , बिशेष अतिथि बिधालय व्यवस्थापन समितिका संस्थापक अध्यक्ष दुर्गादत्त पौडेल , कार्यपालिका सदस्य गीता बोटे , वडा सदस्यहरु खुम नारायण महतो , सुभोचन्द्र सुबेदी , श्याम बोटे र मन कुमारी विक , पुर्व प्राधानाध्यापक भिम प्रसाद पोख्रेल , मातृभूमि सामुदायिक बनका अध्यक्ष बिष्णु पौडेल , कुमारवर्ती आमा समुहका अध्यक्ष सपना काफ्ले लगायतले शुभकामना ब्यक्त गरेका थिए।
स्थानीय संघ संस्थाका प्रतिनिधिहरु संगै अभिभावकहरुको उपस्थिति रहेको कार्यक्रममा बोल्दै प्रमुख अतिथि शर्माले देवचुली नगरपालिकामा रहँदा सम्म आफ्नो कार्यलाई इमान्दारीपूर्वक सम्पन्न गर्ने जिकिर गर्दै कार्यक्रमको आयोजना गरेकोमा बिधालयलाई धन्यवाद दिँदै सबै उपस्थित सबैलाई शुभकामना ब्यक्त गरेका थिए।
