गैँडाकोटमा रहेको गैँडाकोट इङ्लिस स्कुल नगरकै अब्बल

गैंडाकोट

गृहपृष्ठ
गैंडाकोट

गैँडाकोटमा रहेको गैँडाकोट इङ्लिस स्कुल नगरकै अब्बल

हेर्नेपाटी बिहीबार, भदौ ७, २०८०

गैँडाकोट,
गैँडाकोटमा रहेको गैँडाकोट इङ्लिस स्कुल नगरकै अब्बल विद्यालय बनेको छ । गैँडाकोट नगरपालिका शिक्षा शाखाले गरेको नगरभित्रका संस्थागत विद्यालयहरुको कार्यसम्पादन मूल्याकंनका आधारमा गरिएको वर्गीकरणमा गैँडाकोट इङ्लिस स्कुल ञकझ श्रेणीमा पर्न सफल भएको हो ।

गैँडाकोट नगरपालिका शिक्षा युवा तथा खेलकुद शाखाका प्रमुख डा। बालकृष्ण चापागाईँका अनुसार नगरका २० वटा संस्थागत विद्यालयहरुमा गरिएको अध्ययनका आधारमा गैँडाकोट इङ्लिस स्कुलले ञकझ श्रेणीमा पार्दै आफूलाई अब्बल सावित गरेको हो ।

शिक्षा शाखाले विभिन्न विज्ञ सहितको टोली बनाएर हरेक विद्यालयहरुमा पुगेर त्यहाँको भित्री अवस्थाबारे गहिरो अध्ययन गरेको थियो । ९० भन्दा बढी सुचकहरुलाई आधार मानेर गरिएको अध्ययनका क्रममा गैँडाकोट गैँडाकोट इङ्लिस स्कुल मात्रै ञकझ श्रेणीमा रहन सफल भयो ।

नगरपालिकाले ४० प्रतिशत भन्दा कम अंक ल्याउनेलाइ कमजोर ञघझ श्रेणी, ४० देखि ७० प्रतिशत अंक ल्याउनेलाई सामान्य ञगझ श्रेणी, ७० देखि ९० प्रतिशत ल्याउनेलाइ मध्यम ञखझ श्रेणी र ९० प्रतिशत वा सो भन्दा बढी अंक ल्याउने विद्यालयलाई उत्कृष्ट विद्यालय ञकझ श्रेणीको विद्यालयको रुपमा बर्गीकरण गरेको हो ।

विद्यालयको भौतिक संरचना, विद्यालयले प्रदान गर्ने सेवासुविधा, सरोकारवालाहरुको सन्तुष्टी, शिक्षकहरुको योग्यता, लैङ्गिक अनुपात, सुचना प्रविधिमा दक्षता, समुदायको सहभागिता र बालबालिकाको शिक्षाप्रतिको चासो, विगत ३ वर्षदेखि विद्यालयले प्राप्त गरेको नतिजालगायतका सूचकहरुलाई आधार मानिएको नगरपालिकाको शिक्षा शाखाले जनाएको छ ।

नगरपालिकाको वर्गीकरण अनुसार ञखझ श्रेणीमा अक्सफोर्ड सेकेन्डरी स्कुल, सरस्वती निकेतन इङ्लिस बोडिङ्ग स्कुल, कन्टीनेन्टल इङ्लिस बोडिङ्ग स्कुल, गैँडाकोट नमुना इङ्लिस बोडिङ्ग स्कुल, शाइनिङ इङ्लिस बोडिङ्ग स्कुल, विजय सामुदायिक शिक्षा सदन, मुकुन्दसेन इङ्लिस बोडिङ्ग स्कुल र सूर्योदय विद्या मन्दिर र बालविकास ईङ्लिस बोर्डिङ्ग स्कुल परेका छन् ।

त्यसैगरी ञगझ श्रेणीमा सरस्वती बालशिक्षा सदन, शिशु निकेतन स्कुल, एभरग्रीन एकेडमी, निर्मल मिलिनियम इङ्लिस बोडिङ्ग स्कुल, त्रिमूर्ती विद्या मन्दिर, ज्ञानकुञ्ज इङ्गलिस बोडिङ्ग स्कुल, किड्सहोम एकेडेमी, अमर इङ्गलिस बोडिङ्ग स्कुल र युनिक इङ्गलिस बोडिङ्ग स्कुल रहेका छन् ।

प्रकाशित मिति: बिहीबार, भदौ ७, २०८० २०:१८