रास्वपा लमजुङले स्थापना दिवसमा बृक्षारोपण गर्यो

लमजुङ

गृहपृष्ठ
लमजुङ

रास्वपा लमजुङले स्थापना दिवसमा बृक्षारोपण गर्यो

राजन थकाली शुक्रबार, असार १, २०८०

लमजुङ

राष्ट्रिय स्वतन्त्र पार्टी लमजुङ्गले बृक्षारोपण गर्दै आफ्नो स्थापना दिवस मनाएको छ। रास्वपाले यस अवसरमा लमजुङको सदरमुकाम बेसीशहर संगै अन्य विभिन्न स्थानमा बृक्षारोपण गरेको छ । गत बर्ष २०७९ असार ७ गते स्थापना भएको रास्वपा अहिले २१ सिट सहित संसदमा चौथो पार्टीको रुपमा परिचित छ । पार्टीले स्थापना दिवस मनाउनको लागी बनाएको सप्ताह ब्यापी कार्यतालिका अनुसार लमजुङका विभिन्न नगर, गाउँ र वडासमितिहरुले बृक्षारोपण गरेका हुन् ।

बेसीशहर नगर कार्य समितिले वडा नंं २ वडा कार्यसमितिसंगको सहकार्यमा कोकले डाँडाको कालिका मन्दिर परिसरमा बृक्षारोपण गरेको हो। सो अवसरमा बर पिपल, कागती, आँप, जमुना, बेल, बेलाउती,, मेङ्गोस्टेक, गुलाब, असारे फूल, खुर्सानी फूल लगायतका १ सय फलफूलका विरुवा रोपिएको छ ।
टेक बहादुर थापाको नेतृत्वमा वडा नंं २ का युवाहरुको सहभागितामा त्यस क्षेत्रमा रोपिएको बिरुवाको संरक्षण गर्ने समूह समेत बनाइएको छ भनव यस क्षेत्रमा पार्टीका पदाधिकारी एवं सदस्यहरुले जन्मदिनमा समेत बृक्षारोपण गर्ने निर्णय गरेका छन् ।

बृक्षारोपण कार्यक्रममा बेसीशहरका विभिन्न वडाका कार्यसमितिका पदाधिकारी एवं सदस्यहरु, पार्टीका सुभेच्छुक एक समर्थक एवं स्थानीयको उपस्थिति थियो । बृक्षारोपण कार्यक्रम बेसीशहर नगर कार्य समितिका सभापति कृष्णबहादुर राउतको अध्यक्षतामा भएको थियो । सुन्दरबजार नगर कार्य समितिले पनि सुन्दरबजारको वडानंं ९ मा बृक्षारोपण कार्यक्रम गर्नुका साथै भक्ति नमुना माविलाई विभिन्न फलफूलका विरुवाहरु सहयोग गरेको छ ।

त्यस्तै मर्स्याङदी गाउँपालिकाको वडा नंं ८ लाम्पाटामा गाउँ कार्य समितिले बृक्षारोपण गरेको छ । रास्वपाले स्थापना दिवसका अवसरमा असार १ गते बृक्षारोपण, असार २ गते वडा भेला, ३ गते सामुदायकि वद्यिालय र अस्पतालमा सरसफाइ, ५ गते रक्तदान कार्यक्रमको आयोजना गरेको छ ।

प्रकाशित मिति: शुक्रबार, असार १, २०८० २१:२८