देवचुली
बुद्धि सागर भुसालको अध्यक्षतामा कालिका माध्यमिक विद्यालय देवचुली ९ मा व्यवस्थापन समिति गठन भएको छ। समितिको अध्यक्षमा भुसाल सँगै सदस्यहरूमा पम्फा राउल , ज्ञानु कुमारी अर्याल, वीरेन्द्र राज काफ्ले, मालती पन्त, जितु माया सिँजाली, वडा न ९ का अध्यक्ष बलिराम सापकोटा, पदेन सदस्य तुलसीराम अर्याल , शिक्षक प्रतिनिधि मञ्जु नेपाली परियार तथा सदस्य सचिव विद्यालयका प्रधानाध्यापक रेशम कोइराला लगायतका सर्वसम्मत चयन हुनुभएको विद्यालयका प्रधानाध्यापक कोइरालाले हेर्नेपाटीलाई बताउनुभएको छ।
कोइरालाका अनुसार शिक्षक अभिभावक संघको अध्यक्षमा तुलसीराम अर्याल सँगै सदस्यहरूमा ठाकुर प्रसाद काफ्ले, सरिना गुरुङ , पार्वती शर्मा कडेल, कुन्ता देवी काफ्ले न्यौपाने, वर्षा परियार, पुष्पा भटराई , सृष्टि पुलामी, नर बहादुर पुलामी, शिक्षक प्रतिनिधि महेन्द्र कुमार श्रेष्ठ, पदेन सदस्य विद्यालयका व्यवस्थापन समितिका अध्यक्ष भुसाल , प्रधानाध्यापक रेशम कोइराला तथा विद्यार्थी प्रतिनिधि लगायतका चयन हुनुभएको छ।
गत फाल्गुन २२ गते सम्पन्न अभिभावक भेलाले दुवै समिति सर्वसम्मत चयन गरेको हो। यो सँगै अध्यक्षमा निर्वाचित भए पश्चात दुवै अध्यक्षले विद्यालयको हकहितको लागी कार्य गर्दै जाने र कालिका माविलाई नगरको नमुना विद्यालय बनाउने बताउनुभएको थियो। कार्यक्रममा देवचुली ९ का वडा अध्यक्ष बलिराम सापकोटा , देवचुली नगरपालिकाका शिक्षा शाखा प्रमुख राम प्रसाद शर्मा , निवर्तमान समितिका पदाधिकारी सानै अभिभावकहरूको उपस्थिति रहेको थियो।
