देवचुली नगरपालिका र चाइना कन्स्ट्रक्सनको सहयोगमा निःशुल्क स्वास्थ्य शिविर सुरु

देवचुली

गृहपृष्ठ
देवचुली

निःशुल्क स्वास्थ्य शिविर मंसिर २८ गते देखि पौष १ गतेसम्म संचालन हुने देवचुली नगरपालिका र चाइना कन्स्ट्रक्सनको सहयोगमा निःशुल्क स्वास्थ्य शिविर सुरु

एलिना केसी बुधबार, मंसिर २८, २०७९

देवचुली,

देवचुली नगरपालिकाको आयोजना र चाइना स्टेट कन्स्ट्रक्सन इन्जिनियरिङ कर्पाेरेसन प्रा.लिको सहयोगमा देवचुली नगरपालिकामा निःशुल्क स्वास्थ्य शिविरको समुद्घाटन गरिएको छ । बुधबार देवचुली नगरपालिकाको वडा नं १६ को कार्यालय रजहरमा देवचुली नगरपालिकाका नगरप्रमुख हरि प्रसाद न्यौपानेको अध्यक्षतामा शिविरको शुभारम्भ गरिएको हो । निःशुल्क स्वास्थ्य शिविरमा विशेषज्ञ चाईनिज डाक्टरहरुबाट स्त्रीरोग, नाक कान घाँटी रोग, मुख तथा दन्त रोग, सामान्य चिकित्सा, हाडजोर्नी तथा नशारोग, छातीरोग, पराम्परागत चाइनिज उपचार, ई.सि.जि, भिडियो एक्सरे, प्रयोगशाला परिक्षण साथै औषधि वितरण समेत गरिने भएको छ । No description available.
कार्यक्रममा देवचुली नगरपालिकाका नगर उपप्रमुख पार्वता तिवारी, प्रमुख प्रशासकीय अधिकृत मोहन प्रसाद मरासिनी, देवचुली नगरपालिकाका विभिन्न वडाका वडाध्यक्ष, कार्यपालिका सदस्य, वडा सदस्य, नगरपालिकाका कर्मचारी लगायतको उपस्थिति रहेको थियो । यसैगरि चाईना स्टेट कन्स्ट्रक्सन इन्जिनियरिङ कर्पोरेसन प्रा.लिको तर्फबाट युजाङ्ग, युयाङ, छुइ, राकेश झा, लगायतको उपस्थिती रहेको थियो । No description available.
निःशुल्क स्वास्थ्य शिविरमा बोल्दै देवचुली नगरपालिकाका नगर प्रमुख न्यौपानेले शिविरबाट नगर भित्र रहेका नागरिकहरु लाभान्वित हुने बताउँदै यस्ता खालका कार्यक्रमहरु भोलिका दिनमा पनि चाइना कन्स्ट्रक्सन सँग सहकार्य गरेर जाने बताउनुभएको थियो ।
स्वास्थ्य शिविर बिहान ९ बजेदेखि दिउँसो १२ बजेसम्म हुनेछ । यस्तै मंसिर २८ गते देखि पौष १ गतेसम्म संचालन हुनेछ ।निःशुल्क स्वास्थ्य शिविर शुभारम्भ कार्यक्रमको सहजीकरण देवचुली नगरपालिका स्वास्थ्य शाखा सि.अ.हे.व अधिकृत शिव पराजुलीले गर्नुभएको थियो । No description available.