देवचुली ,
१४ औं देवचुली नगर स्तरीय राष्ट्रपति रनिङ्ग शिल्ड प्रतियोगिताको दोस्रो दिन आज शनिबार विभिन्न खेलहरू सम्पन्न भएका छन्। शनिबार भलिबलको लिग चरणको खेलहरू सम्पन्न भइ आइतबार सेमिफाइनल र फाइनल खेल हुने देवचुली माविका शिक्षकले हेर्नेपाटीलाई बताएका छन्।
अनुसार आज सम्पन्न भएको १ सय मिटर दौडमा छात्रातर्फ देवचुली माविकी लिलादेवी महतो प्रथम , नेपाल नमुना माविकी दिव्या नेपाली द्वितीय र अमर इङ्गलिस स्कुल रजहरकि सिम्रन गुरौ तृतीय भएकी छिन् भने छात्र तर्फ भीमसेन नमुना माविका बिपिन राना प्रथम , नेपाल नमुना माविका रोशन गुरौ द्वितीय र वरचुली माविका भिस्म बाचे तृतीय भएका छन्।
२ सय मिटर दौडमा छात्रा तर्फ वरचुली माविकी गङ्गा सुनार प्रथम , जनज्योति नमुना माविकी अन्जु भण्डारी द्वितीय र भीमसेन नमुना माविकी जिज्ञासा भुसाल तृतीय भए सँगै छात्र तर्फ नेपाल नमुना माविका रोशन गुरौ प्रथम , देवचुली माविका रिम बहादुर कुमाल द्वितीय र वाइज भिजन बोर्डिङका राहुल तामाङ्ग तृतीय भएका छन्। ४ सय मिटर दौडमा छात्रा तर्फ वरचुली माविकी सलिना सारू प्रथम , नेपाल नमुना माविकी बिध्या नेपाली द्वितीय र अमर इङ्गलिस स्कुल रजहरकि सिम्रन गुरौ तृतीय हुन सफल भएकी छिन् भने छात्र तर्फ भीमसेन नमुना माविका कृष्ण श्रेष्ठ प्रथम , देवचुली माविका सागर बिक द्वितीय र नेपाल नमुना माविका पारस पुन तृतीय भएका छन्।
छात्राहरूको ८ सय मिटर दौडमा वरचुली माविकी कमला कुँवर प्रथम , देवचुली माविकी दुर्गा कुमाल द्वितीय र भीमसेन नमुना माविकी भावना भण्डारी तृतीय भएका छन् भने छात्र तर्फ भीमसेन नमुना माविका सन्तोष थापा प्रथम , वरचुली माविका दिवस सुनार द्वितीय र देवचुली माविका विशाल बिक तृतीय भएका छन्।
यो सँगै दौड अन्तर्गत नै १५ सय मिटर दौडमा छात्रातर्फ देवचुली माविकी लिलादेवी महतो प्रथम , पृथ्वी माविकी इशु भुजेल द्वितीय र कालिका माविकी देवी सरा परियार तृतीय हुन सफल भए सँगै छात्रतर्फ वरचुली माविका जेम्स झाँक्रे मगर प्रथम , भीमसेन नमुना माविका कृष्ण श्रेष्ठ द्वितीय र देवचुली माविका सलमान मियाँ तृतीय भएका छन्। आजै रिले दौड तर्फ १ सय मिटर र ४ सय मिटरको दौड पनि सम्पन्न भएको छ। प्रतियोगितामा भलिबल , दौड , रिले दौड सँगै छेलो फाल्ने र भाला फ्याँक्ने खेल पनि रहेको छ।
