देवचुली
देवचुली प्याब्सनको आयोजनामा आज बुधबार अन्तर विद्यालय नृत्य प्रतियोगिता सम्पन्न भएको छ।
नगर भित्रका ८ वटा संस्थागत विद्यालयको सहभागिता रहेको प्रतियोगिता देवचुली १६ को वाइज भिजन इङ्गलिस बोर्डिङ स्कुलमा सम्पन्न भएको हो। कार्यक्रममा देवचुली प्याब्सनका अध्यक्ष सन्त बहादुर क्षेत्रीको अध्यक्षता सँगै नवलपुर प्याब्सनका जिल्ला उपाध्यक्ष प्रदिप बास्तोलाको प्रमुख आतिथ्यता रहेको थियो।
प्रतियोगितामा देवचुली १६ रजहरमा रहेका वाइज भिजन इङ्गलिस बोर्डिङ स्कुल , अमर इङ्गलिस बोर्डिङ स्कुल र कुमारवर्ती इङ्गलिस बोर्डिङ स्कुल सँगै देवचुली १७ को ओएसिस एकेडेमी , देवचुली १ को दिव्य एकेडेमी , देवचुली १० को नवल एकेडेमी , देवचुली १३ को मुनलाइट आदर्श पब्लिक एकेडेमी र देवचुली १५ मा रहेको विश्व ज्योति माध्यमिक विद्यालय लगायतका संस्थागत विद्यालयहरूको सहभागिता रहेको थियो।
प्रतिस्पर्धात्मक अन्तर विद्यालय नृत्य प्रतियोगितामा वाइज भिजन इङ्गलिस बोर्डिङ प्रथम , विश्वज्योति माध्यमिक विद्यालय द्वितीय र अमर इङ्गलिस बोर्डिङ स्कुल तृतीय भए संगै शिल्ड र प्रमाण पत्र प्राप्त गरेका छन्।
यस प्रतियोगितामा प्रथम र द्वितीय स्थान प्राप्त गर्न वाइज भिजन इङ्गलिस बोर्डिङ र विश्वज्योति माध्यमिक विद्यालयले नवलपुर प्याब्सनले आयोजना गर्ने जिल्ला स्तरीय प्रतियोगितामा सहभागिता जनाउने देवचुली प्याब्सनका अध्यक्ष सन्त बहादुर क्षेत्रीले ह्याप्पी टाइम्सलाई बताएका छन्।
कार्यक्रमको सहजीकरण विद्यालयका शिक्षक दुर्गा सुबेदीले गरेकी थिइन्।
