देवचुली
देवचुली १० मा रहेको धौलागिरी आमा समुहको आयोजनामा वडा स्तरीय तिज गीत तथा खुला नृत्य प्रतियोगिता २०७९ सम्पन्न भएको छ ।
महिलाहरूको महान पर्व हरितालिका तिजको पूर्व सन्ध्यामा आमा समुहले आयोजना गरेको कार्यक्रममा समुहका अध्यक्ष रिता आचार्यको अध्यक्षता संगै देवचुली १० का वडाध्यक्ष रेप्ती कुमार घर्ती मगरको प्रमुख आतिथ्यता रहेको थियो।
कार्यक्रममा सहभागी प्रतिस्पर्धी समुहहरुबाट तिज गीत प्रतियोगिता तर्फ धौलागिरि आमा समुह प्रथम , दिदीबहिनी समूह द्वितीय , भगवती आमा समूह तृतीय र पृथ्वी मावि सान्त्वना हुन सफल भएका छन्।
साथै बिजयी समुहहरुले क्रमश ७ हजार , ५ हजार , ३ हजार र १ हजार ५ सय नगदको साथमा प्रमाण पत्र प्राप्त गरेका छन्। यो संगै आजै भएको खुला नृत्य प्रतियोगितामा शितल पौडेल प्रथम , समिर र कन्चन सुनार द्वितीय र दिप्ती श्रेष्ठ तृतीय हुँदै क्रमश ३ हजार , २ हजार र १ हजार र प्रमाण पत्र प्राप्त गरेका छन्।
समुहका उपाध्यक्ष गीता कंडेलको स्वागत मन्तव्य रहेको कार्यक्रममा कार्यक्रम संयोजक कमला आचार्यले कार्यक्रम माथि प्रस्ट पारेकी थिइन् ।
कार्यक्रममा मिलन आमा समुहका अध्यक्ष मिना सापकोटा , धौलागिरि टोल विकास संस्थाका अध्यक्ष भिम प्रसाद केसी ,नेकपा एमालेका वडा सभापति ढुण्डीराज , समुहका सदस्य दीप पंगेनी लगायतले शुभकामना मन्तब्य राख्दै सम्पूर्ण नगर वासिहरुलाई तिजको शुभकामना व्यक्त गर्दै कार्यक्रमको सफलताको समेत कामना गरेका थिए।
सोहि कार्यक्रमको अवसर पारी वडा भित्रका ८४ पुजा गरेका ७ जना वृद्ध हजुरबुवा हजुरआमाहरुलाई दोसल्ला र सम्मान पत्र प्रदान गर्दै सम्मान गरेको छ।
