देवचुली
देवचुली नगरपालिकाको आयोजनामा विविध विधामा अन्तर बिधालय प्रतियोगिताहरु सम्पन्न भएका छन्। आज भएको विविध प्रतियोगिता अन्तर्गत भिमसेन माध्यमिक बिधालयमा भएको प्राथमिक तहको अनुलेखन प्रतियोगितामा क्रमश वरचुली माध्यमिक बिधालयका कुलेन्द्र सारु , भीमसेन आदर्श माध्यमिक बिधालयका तनिशा थापा तथा नेक्सस मन्टेस्श्वरीका श्रेया पौडेल प्रथम , द्वितीय र तृतीय भएका छन्।
यसै तह अन्तर्गत "मेरो घर र वरपरको वातावरण" शिर्षकको चित्रकला प्रतियोगितामा बिश्वज्योती माध्यमिक बिधालयका आयुस सुवेदी प्रथम , भीमसेन आदर्श माध्यमिक बिधालयका निशान भुसाल द्वितीय र मनकामना आधारभूत बिधालयका निर्जला आले तृतीय भएका छन्।
यस्तै जनज्योति माध्यमिक बिधालयमा सम्पन्न भएको निम्न माध्यमिक तह अन्तर्गतको " बिज्ञान अभिशाप नभइ बरदान हो " शिर्षकको वादविवाद प्रतियोगितामा जनज्योती माध्यमिक बिधालयका प्रकृति न्यौपाने प्रथम , बिश्वज्योती माध्यमिक बिधालयका विशाल सापकोटा द्वितीय र वाइजभिजन इङ्ग्लिश बोर्डिङ स्कुलका एन्जिला अधिकारी र सकलादेबी माध्यमिक बिधालयका पूजा कन्डेल तृतीय भएका छन्।
यस्तै देवचुली माध्यमिक बिधालयमा सम्पन्न माध्यमिक तहको " देवचुली नगरपालिका - एक पर्यटकिय गन्तव्य " शिर्षकमा भएको निबन्ध लेखन प्रतियोगितामा नेपाल माध्यमिक बिधालयका प्रिया पौडेल प्रथम , भीमसेन आदर्श माध्यमिक बिधालयका गुरास लामिछाने द्वितीय र भीमसेन आदर्श माध्यमिक बिधालयका आयुस्मा काफ्ले तृतीय भएका छन्।
कार्यक्रममा देवचुली नगरपालिकाका शिक्षा शाखा प्रमुख राम प्रसाद शर्माको प्रमुख आतित्थ्यतामा सम्बन्धित कार्यक्रम भएको बिधालयको प्रधानाध्यापकको अध्यक्षतामा कार्यक्रम सम्पन्न थियो।
नगरपालिकाको अतिरिक्त क्रियाकलाप अन्तर्गत यस कार्यक्रम सम्पन गरिएको र आगामी दिनमा प्रतिभा पहिचान र बिज्ञान प्रदर्शनी लगायतका कार्यक्रमको आयोजना गरिने शिक्षा शाखा प्रमुख शर्माले ह्याप्पी टाइम्सलाई बताएका छन्।
